Қазақстандық ватерполшылар Азиада чемпиондары атанды

2 699 просмотра

Судағы поло спортынан Қазақстан ерлер құрамасы сәрсенбіде оңтүстік кореялық Инчхонда Азия ойындарының алтын медалін жеңіп алды.

Спортшыларымыз финалдық ойында Жапония құрамасынан 7:6 есебімен басым түсті. Кездесуде Александр Аксенов 3 доп, ал оның командаласы Владимир Ушаков 2 доп соқты, Сергей Губарев пен Алексей Шмидердің есебінде 1 ұпайдан бар. Күміс жапондарда, ал Қытай құрамасы 3-орынды қанағат тұтты.

Естеріңізде болса, қазақстандықтар 2010 жылы Гуанчжоуда өткен Азия ойындарында да тұғыр биігіне көтерілген болатын. Сөйтіп, спортшыларымыз бұл жолы чемпиондық атақтарын қорғап қалды.

Дереккөз: Қазақстан жаңалықтары АА.

1 қазан 2014, 16:48

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.