Еліміздегі 9 ЖОО халықаралық рейтингте үздіктер қатарында

1 368 просмотра

Қазақстанның тоғыз жоғары оқу орны халықаралық рейтингте үздіктер қатарына енді. Бұл туралы Орталық коммуникациялар қызметінің брифингінде Білім және ғылым вице-министрі Тахир Балықбаев айтты, - деп хабарлайды Tengrinews.kz тілшісі.

"Бүгінде QS рейтингі (университеттердің халықаралық рейтингі) бойынша біздің жоғары оқу орындарымыз ТОП-300-ге енеді, ол - әл-Фараби атындағы Қазақ ұлттық университеті және Л.Н.Гумилев атындағы Еуразия ұлттық университеті ТОП-400-дің құрамында, тағы жеті университет ТОП-800-ге енеді. Біз мұны жақсы нәтиже деп есептейміз, перспективалар бар", - деді Балықбаев.

Ол қазақстандық ЖОО-лардың аккредитациядан өткізілетінін айтты. "2010 жылы Болон процесіне қосылғанымыз белгілі, оның қағидалары енгізілген. Ол үшсатылы білім беру - бакалавриат, магистратура, докторантура, бұған қоса, әрине, басқа да модельдер бар. Маңызды жайттардың бірі - сапаны қамтамасыз етудің жаңа жүйесі. Аккредитациялаудың бұл жүйесін қазір енгізіп жатырмыз, бұл жүйе бойынша Қазақстанда екі аккредитациялау агенттігі мен тағы сегіз әлемдік агенттік жұмыс істейді", - деді Балықбаев.

Дереккөз: tengrinews.kz

15 қыркүйек 2014, 16:10

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.