В Атырау -4 
Ақтауда баланың үстіне терезеден теледидар лақтырған 42 жастағы азамат ұсталды. Теледидар баланың үстіне түскенін ол тергеушілерден бір-ақ естіпті, деп хабарлайды BNews.kz тілшісі.
«Мен төменде тұрған қоқыс контейнеріне лақтырдым. Әдетте ол жерде ешкім болмайтын», - деді ол.
Маңғыстау облыстық ІІД баспасөз қызметінің хабарлауынша, бұл факті бойынша ҚР ҚК 111 бабы 1 бөлігімен қылмыстық іс қозғалған.
Естеріңізге саламыз, оқиға 23 тамызда Ақтаудағы шағын аудандардың бірінде орын алған. Оныншы қабаттан лақтырылған теледидар 4 жасар бүлдіршіннің үстіне құлап, жабық бас-ми жарақатын алған бала жан сақтау бөліміне жеткізілді. Бір тәулік бойы Ислам Қатаев ес-түссіз жатты. Қазір оған дереу арада қан құю қажет.
Дереккөз: bnews.kz
27 тамыз 2014, 18:57