Қазақстандық синоптиктер 6 өңірде күн 40 градусқа дейін ысиды деп отыр

Фото: newskaz.ruАстана. 18 тамыз. ҚазТАГ – Қазақстандық синоптиктер 19-21 тамыз аралығында Қазақстанның 6 өңірінде күн 40 градусқа дейін ысиды деп ескертеді.

«Күндіз 19-20 тамызда Батыс Қазақстанда, 19-21 тамызда Атырауда, Маңғыстау облысында +40+43°C дейін күн ысиды. Күндіз 19-21 тамызда Ақтөбе облысында, Қостанайдың оңтүстігінде, Қарағанды облысының батысында +37+42°C дейін күн ысиды», - делінген «Қазгидромет» РМК сайтында жарияланған дауылды ескертуде.

Дереккөз: ҚазТАГ