Румыниялық «Стяуаға» есе жіберген «Ақтөбе» футболдан чемпиондар лигасынан шығып қалды

Алматы. 7 тамыз. ҚазТАГ - Румыниялық «Стяуаға» есе жіберген «Ақтөбе» футболдан чемпиондар лигасынан шығып қалды, деп хабарлады агенттік тілшісі.

Үшінші біліктілік кезеңінің жауапты матчы Бухаресте өтті. Бұған дейін Ақтөбедегі 2:2 есеппен ойынды аяқтаған қазақстандықтарға жеңіске жету маңызды болды. Алайда, алғашында-ақ ойынды сәтсіз бастаған футбалистер бірінші таймның өзінде Александру Кипчу мен Николае Станчудың екі добын өткізіп алды.

Ол аздай, матчтың 57-ші минутында команда капитаны Юрий Логвиненконың алаңнан қуылуына байланысты аз құраммен ойнады. Тек, матч соңына бес минут қалғанда Тимур Кападзе бір допты қайтарды, алайда ақтөбеліктер жеңіске қол жеткізе алмады. Сонымен, есеп 1:2 және «Ақтөбе» чемпиондар лигасынан шығып қалды. Алайда отандық клуб үшін осымен еуромаусым аяқталған жоқ, олар алда Еуропа лигасының плей-офф кезеңінде өнер көрсетеді. Егер айлары оңынан туып жақсы ойын көрсетсе, онда алғаш рет тарихта турнирдің топтық кезеңіне өтеді.

Дереккөз: ҚазТАГ