Үкімет отырысында жаңа министрліктерді кімдер басқаратыны белгілі болды

АСТАНА. ҚазАқпарат  - Бес жаңа министрлік құрылатын болады. Бүгін Ақордада өтіп жатқан Үкіметтің кеңейтілген отырысында Мемлекет басшысы Нұрсұлтан Назарбаев осылай айтты, деп жазады Ақорданың баспасөз қызметі твиттерде.

Мемлекет басшысының айтуынша, Ұлттық экономика министрлігін Е. Досаев басқарады.

Денсаулық сақтау және әлеуметтік даму министрлігін Т. Дүйсенова басқарады.

Мәдениет және спорт министрлігін А. Мұхамедиұлы басқарады.

Инвестиция және даму министрлігін Ә. Исекешев басқарады.

Энергетика министрлігін В. Школьник басқарады.

Төтенше жағдайлар министрлігінің өкілеттілігі ІІМ-не беріледі. Басқа министрліктер өкілеттіліктерінің бірқатар өзгерістерімен сол күйінде сақталады.

Дереккөз: inform.kz