Тамыз айынан бастап жанармай бағасы 30 теңгеге қымбаттауы мүмкін

Биылғы жылдың 1 тамызынан бастап Қазақстанда АИ-92 маркалы жанармайдың бағасы – 30 теңгеге, АИ-80 – 33 теңгеге, ал дизельді отын – 28 теңгеге қымбаттайды, деп хабарлайды Kapital.kz тілшісі Қазақстан телеграф агенттігіне сілтеме жасап.

«Бұл көрсетілген бағалар Экономика және бюджеттік жоспарлау министрлігі, Мұнай және газ министрлігі және Табиғи монополияларды реттеу агенттігі кіретін үкіметтік ведомствоаралық комиссияда бекітілді. Сонымен, тамыз айынан бастап АИ-92 маркалы жанармайдың құны – 145, дизель отыны – 130 және АИ-80 жанармайы – 122 теңгеден сатыла бастайды. Ақпарат нақты», - дейді агенттік қызметкері.

Естеріңізде болса, Табиғи монополияларды реттеу агенттігі Қазақстанда шілде айында жанармай бағасы қымбаттамайтынын хабарлаған болатын.

Дереккөз: bnews.kz