Таразда төрт жүк вагоны рельстен шығып кетті

2 680 просмотра

8 шілде күні Тараз қаласы Шөлдала стансасында ағаш тиелген төрт вагон рельстен шығып кетті. Төтенше жағдай станса жолында орын алған, теміржол төсеміне айтарлықтай қатты зиян келген жоқ, деп хабарлайды BNews.kz Жамбыл облысы ТЖД баспасөз қызметіне сілтеме жасап.

«8 шілде күні сағат 16:27-де Жамбыл облысы бойынша ТЖД жедел кезекшісіне теміржол бөлімшесінің кезекші диспетчерінен хабарлама келіп түсті. Онда Тараз қаласы Шөлдала стансасында 8 станса жолында төрт жүк вагонының рельстен шығып кеткені айтылған. Абырой болғанда адамдар зардап шеккен жоқ», - делінген хабарламада.

Апатты-қайта қалпына келтіру жұмыстарын жүргізу үшін оқиға орнына 22 адам мен Жамбыл стансасының апатты-қайта қалпына келтіру пойызы, ТЖД жедел тобы, желілік ІІБ жедел тергеу тобы мен көлік прокуроры жіберілді.

Апатты-қайта қалпына келтіру жұмыстары сол күні сағат 18:50-де аяқталды.

Дереккөз: bnews.kz

9 шілде 2014, 09:37

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.