Сот Табиғи монополияларды реттеу агенттігінің төрағасы Мұрат Оспановты қамауға алуды санкциялады, деп хабарлайды Вnews.kz Қаржы полициясының баспасөз қызметіне сілтеме жасап.
«2014 жылғы 3 шілдеде Астана қаласының Алматы аудандық №2 соты Қазақстан Республикасы Табиғи монополияларды реттеу агенттігінің төрағасы М.Оспановты қамауға алуды санкциялады», - делінген хабарламада.
Оған табиғи монополиялар субъектісіне көмек көрсеткені және қамқорлық жасағаны үшін 300 мың АҚШ доллары көлемінде пара алды деген айып тағылып отыр.