Ресейге Қазақстаннан 20 тонна шабдалы заңсыз әкелінген

Ресей ауыл шаруашылығын қадағалау қызметкерлері Қазақстаннан заңсыз әкелінген 20 тонна шабдалыны кері қайтарды, деп хабарлайды BNews.kz ведомствоның Новосібір облысы бойынша басқармасының баспасөз қызметіне сілтеме жасап. 

«Жалпы салмағы 20 тонна тартатын шабдалы Новосібір базарларының біріне Қазақстаннан автокөлікпен әкелінген», - делінген хабарламада.

Карантиндік фитосанитарлық бақылау жүргізу барысында Ресей ауыл шаруашылығын қадағалау органы Новосібір облысы бойынша басқармасының қызметкерлері келіп түскен жеміс-жейдек партиясында фитосанитарлық қауіпсіздікті растайтын сертификат жоқ екенін анықтайды.

Карантиндік заңнама талаптарына сәйкес мұндай өнімдерді тасымалдауға тыйым салынады. Шабдалының барлық партиясы Қазақстан Республикасына кері қайтарылды.

Дереккөз: bnews.kz