Сурет newskaz.ru сайтынан алынды Астана. 25 маусым. ҚазТАГ - Бауыржан Мұқанов. ҚР премьері Кәрім Мәсімов Салық кодексіне өзгерістер енгізуді тапсырды, соған сәйкес 2014 жылдың 1 қаңтарындағы жағдай бойынша кәсіпкерлерді төленбеген салықтарынан босату қарастырылады, деп хабарлады агенттік тілшісі.
«Мен Сұлтановқа (қаржы министрі-премьер-министр Бақыт Сұлтановтың орынбасары - ҚазТАГ) ҚР Салық кодексіне қажетті толықтырулар мен өзгерістерді енгізуді қарастыруды қамтамасыз етуді тапсырамын», - деді К.Мәсімов сәрсенбіде ҚР ұлттық кәсіпкерлер палатасының I съезінде.
Ол 2013 жылдың 1 қаңтарына дейін салық органдарында қалыптасқан, бірақ 2014 жылдың 1 қаңтарына дейін төленбеген өсімпұл мен айыппұлдардан бизнесті босату жоспарланып отырғанын айтты.
«Осындай рақымшылық жасау кәсіпкерлерге қаржыларын бизнесті кеңейту мен дамытуға жұмсауларына мүмкіндік береді», - деп толықтырды ол.
Сонымен қатар К.Мәсімов өзінің орынбасары Бақытжан Сағынтаевқа кәсіпкерлердің несиеге қол жетімділіік мәселесі бойынша отырыс өткізуді және бір ай ішінде үкіметке ұсыныс енгізуді тапсырды.
Дереккөз: ҚазТАГ