В Атырау
+4 
Батыс Қазақстан облысында аудандық мемлекеттік санитарлық-эпидемиологиялық қадағалау басқармасының бұрынғы басшысы санитарлық-эпидемиологиялық талаптардың сақталуына жүргізілген тексеріс қорытындысына оң шешім шығару үшін 50 мың теңге көлемінде пара алғаны үшін үш жылға бас бостандығынан айырылды.
"Теректі аудандық соты аудандық мемлекеттік санитарлық-эпидемиологиялық қадағалау басқармасының бұрынғы басшысын қатысты үкім шығарды. Ол санитарлық-эпидемиологиялық талаптардың сақталуына жүргізілген тексеріс қорытындысына оң шешім шығару және кәсіпкерлік қызметіне бұдан былай кіріспеу үшін аудан тұрғынынан 50 мың теңге көлемінде пара алған", - делінген Қазақстан жаңалықтары хабарламасында.
"Шенеунік ҚР ҚК 311-бабы 2-бөлігі бойынша айыпталып, мүлкін тәркілеумен бірге жалпы тәртіптегі колонияда жазасын өтеумен үш жылға сотталды. Сонымен бірге ол осынша уақыт бойы мемлекеттік қызмет саласында жұмыс атқара алмайды", - деп ақпараттандырады баспасөз қызметі.
Сот сондай-ақ пара берушіні де "ұмыт қалдырмай", оған ҚР ҚК 312-бабы 2-бөлігі бойынша екі жыл бас бостандығын шектеу жазасын белгіледі.
Ол осы мерзімде арнайы органның рұқсатынсыз мекенжайын өзгерте алмайды, әрі оның ойын-сауық және басқа да орындарға баруына шектеу қойылады.
Дереккөз: nur.kz