Астана және Баку өзара сауда көлемін ұлғайтуға ниетті

Фото: newskaz.kzАСТАНА,  5  мау – Қазақстан жаңалықтары АА. Мемлекет басшысы Нұрсұлтан Назарбаев Әзербайжан Республикасының Президенті Ильхам Әлиевпен кездесті, деп хабарлайды Ақорданың баспасөз қызметінен. 

Кездесу барысында мемлекет басшылары екіжақты ынтымақтастықтың басымдыққа ие бағыттарын, сондай-ақ халықаралық күн тәртібіндегі өзекті мәселелерді талқылады.

"Атап айтқанда, Нұрсұлтан Назарбаев пен Ильхам Әлиев сауда-экономика, мұнай-газ және көлік-логистика салаларындағы қарым-қатынасты күшейту перспективаларына тоқталды. Бұл ретте тараптар экономикалық әлеуетті жүзеге асыру мақсатында өзара сауда көлемін ұлғайтудың маңыздылығын атап өтті",-делінген хабарламада.

Бұдан бөлек, екі ел көшбасшылары халықаралық және өңірлік ұйымдардың, Түркітілдес мемлекеттер Парламенттік Ассамблеясының аясындағы өзара іс-қимыл барысын қарастырды.

Дереккөз: newskaz.kz