Мәжілістегі "Нұр Отан" фракциясы аппаратының басшысы ауысты

2 514 просмотра

Мұхтар Ерман ҚР Парламенті Мәжілісіндегі "Нұр Отан" фракциясының аппараты басшысы қызметіне тағайындалды, деп хабарланған аталмыш партияның ресми сайтында. Осы тағайындауға дейін ол "Еуразия+ОРТ" ЖШС бас директорының бірінші орынбасары қызметін атқарған.

М.Ерман үлкен партиялық жұмыс тәжірибесіне ие. Атап айтқанда, "Нұр Отан" партиясының орталық аппаратында бес жылға жуық жұмыс жасады: партияның Орталық аппараты басшысының орынбасары, партия Төрағасының бірінші орынбасарының хатшысы және кеңесшісі болды. Ол өз еңбек жолын 1986 жылы бастаған. Әр жылдары "Алматыжарнама" мемлекеттік кәсіпорынында директор, "Асар" республикалық партиясы" РҚБ Орталық аппараты хатшысының орынбасары, хатшысы қызметтерін атқарды. Мұхтар Ерман әл-Фараби атындағы Қазақ Ұлттық университетінің түлегі.

Ал, бұған дейін ҚР Парламенті Мәжілісіндегі "Нұр Отан" фракциясының аппараты басшысы қызметін атқарып келген Ақылбек Ихданов басқа жұмысқа ауысуына байланысты өз қызметінен босатылды.

Дереккөз: tengrinews.kz

29 мамыр 2014, 16:36

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.