Назарбаев ЕҚЫҰ-ның баламасын Азияда құруды ұсынды

1 808 просмотра

Нұрсұлтан Назарбаев және Си Цзиньпин. Фото: ReutersАзиядағы өзара іс-қимыл және сенім шаралары кеңесінің IV саммитінде сөз сөйлеген Қазақстан Президенті Нұрсұлтан Назарбаев аталған кеңестің негізінде Азиядағы қауіпсіздік және даму ұйымын құруды ұсынды, деп хабарлайды Tengrinews.kz тілшісі inform.kz сайтына сілтеме жасап.

"Азиядағы өзара іс-қимыл және сенім шаралары кеңесінің негізінде тиімді әрі мықты Азиядағы қауіпсіздік және даму ұйымын құру қажет. Оның қысқаша аты - АҚДҰ. Ол Киевтегі төңкеріс пен Украинадағы қантөгісті тоқтата алмаған Еуропадағы қауіпсіздік және ынтымақтастық ұйымының бәсекелесі болуы тиіс", - деді Н.Назарбаев.

Айта кетейік, Азиядағы өзара іс-қимыл және сенім шаралары кеңесін құру туралы бастаманы Назарбаевтың өзі алғаш рет 1992 жылы көтерген болатын. Сол кезде аймақтағы бейбітшілік пен қауіпсіздікті қамтамасыз етудің нақты тетігі болмаған. Бүгінде аталған ұйымға 20 мемлекет кіреді. Қазіргі төраға - Түркия. Биыл төрағалық Қытайға көшеді.

Дереккөз: tengrinews.kz

21 мамыр 2014, 16:57

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.