Қазақстан Президенті мемлекеттік сапармен Қытайға барды

Қазақстан Президенті  Нұрсұлтан Назарбаев мемлекеттік сапармен Қытайға барды, деп хабарлады Ақорданың сайты.  

«Сапар барысында Қазақстан Президенті Шанхай қаласында Қытай Халық Республикасының Төрағасы Си Цзиньпинмен кездеседі. Нұрсұлтан Назарбаев сондай-ақ бірқатар қытайлық компаниялардың басшыларымен кездесулер өткізеді», - делінген хабарламада.  

Сонымен бірге, Мемлекет басшысы Азиядағы өзара іс-қимыл және сенім шаралары кеңесінің IV саммитіне қатысады, онда тұрақтылықты және аймақтық қауіпсіздікті нығайтудың өзекті мәселелері талқыланады.

Дереккөз: ҚазАқпарат