В Атырау
-1 
Қазақстан Әзірбайжанға Eurocopter EC145 тікұшақтарын жеткізуге мүдделі. Бұл туралы BNews.kz агенттігінің меншікті тілшісіне Қазақстанның Бакудегі елшілігінің әскери атташесі Алмаз Базарбаев мәлімдеді.
«Мен бұл тікұшақтар Әзірбайжанда сұранысқа ие болады деген ойдамын, өйткені олар бірлескен қазақстандық-еуропалық өндіріс болып табылады. Біз осы өнімдерді өткізетін нарыққа қашанда қызығушылық танытамыз», - деп атап өтті Базарбаев.
Әскери атташе сондай-ақ Eurocopter EC145 әмбебап тікұшақ екенін тілге тиек етті.
«Тікұшақтар азаматтық нұсқада шығарылады, дегенмен медицина және полиция бөлімшелерінде, шекара қызметінде де қолданылып жүр», - деді Базарбаев.
Айта кетейік, Қазақстан Президентінің тапсырмасын орындау аясында 2010 жылы Қазақстанда «Еврокоптер Қазақстан инжиниринг» ЖШС құрылды. Ал 2011 жылы Парижде екі ел Премьер-министрлерінің қатысуымен «Қазақстан инжиниринг» АҚ мен «Eurocopter» компаниясының басшылары ынтымақтастық жөніндегі келісімге қол қойған еді.
Дереккөз: bnews.kz