KASE биржасына қаржылық есепті бұрмалағаны үшін айыппұл салынды

1 206 просмотра

Қазақстан қор биржасы (KASE) әкімшілік жауапкершілікке тартылды, - деп хабарлайды Tengrinews.kz тілшісі биржаға сілтеме жасап.

Қор биржасы өкілдері Алматы мамандандырылған ауданаралық әкімшілік сотының 2014 жылдың 25 сәуіріндегі қаулысымен KASE-нің 200 айлық есептік көрсеткіш көлемінде (370,4 мың теңге) әкімшілік тәркілеуге ұшырағанын хабарлады. KASE-ге айыппұл ҚР Әкімшілік құқықбұзушылық туралы кодекстің 179-бабының 1-бөлігінде қарастырылған құқықбұзушылық - қаржылық есепті бұрмалағаны үшін салынып отыр.

Еске сала кетейік, 2014 жылдың қаңтар-сәуір айларында KASE-де сауда көлемі 1,9 есе өсіп, 14,1 триллион теңге (81,4 млрд доллар) болған. Өткен төрт аймен (2013 жылдың қыркүйек-желтоқсан айлары) cалыстырғанда сауда көлемі 31,1%-ға (доллармен есептегенде 16,5%-ға) артқан.

Дереккөз: tengrinews.kz

11 мамыр 2014, 12:29

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.