Астанада құрылыста металл конструкциясының құлауынан зардап шеккендердің саны 18 адамға жетті

Астана қаласы ТЖД-не «Көркем» ТК құрылысындағы металл конструкциясы құлап,  18 құрылысшы зардап шекті, деп хабарлайды елордалық ТЖД.

Алдында 7 адам зардап шекті деп хабарланған. 

Ведомствоның мәліметінше, ТЖ туралы  хабар 25 сәуір күні сағат 9:00-де келіп түсті. 

"Құтқарушылар келіп жеткен сәтте металл үйінділерінің астында 4 адам қалып қойғаны белгілі болған. Оларға ТЖД «Өрт сөндіру және авариялық-құтқару жұмыстары қызметі» ММ-ның қызметкердері шұғыл көмек көрсеткен", - делінген хабарламада.

Оқиға орнында 5 жедел жәрдем көлігі зардап шеккендерге көмек көрсетуде.

"Алдын ала мәліметтер бойынша оқиға салдарынан 18 адам зардап шекті", - деп хабарлайды ведомство.

Ілініп тұрған металл конструкцияларды бекіту жұмыстары жүргізілді. 

Қазіргі таңда құрылысшылар мен Астана қаласы ТЖД Құтқару қызметінің жеке құрамының күшімен зардап шеккендердің барлығы үйінді астынан шығарылды. 

Дереккөз: Қазақстан жаңалықтары АА.