Қазақстаннан Украинаға пойыз қатынасы тоқтатылады

2 556 просмотра

Мамыр айында Қазақстаннан Украинаға жолаушылар пойыздарының қатынауы тоқтатылады, - деп хабарлайды Tengrinews.kz "Жолаушылар тасымалы" АҚ баспасөз қызметіне сілтеме жасап.

"27 мамырда Украина теміржол көлігі мемлекеттік әкімшілігінің қатынас хаты бойынша "Жолаушылар тасымалы" АҚ Астана - Киев бағытындағы №107/108 жолаушылар пойызына билет сатуды тоқтатады. Бұл пойыздың одан кейінгі қатынауы туралы қосымша хабарланатын болады", - делінген баспасөз парағында. Ұлттық тасымалдаушы өкілдері бұл бағыттағы теміржол қатынасының не себепті тоқтатылып отырғанынан бейхабар екенін айтады.

Украинаға әуе билеттерін таратумен айналысатын астаналық фирмалардың мәліметінше, бұл елмен арадағы әуе рейстерінің кестесі өзгермеген. Еске салайық, 16 наурызда Қырымның мәртебесі туралы референдум өткеннен кейін түбек Ресей Федерациясы құрамына қосылған болатын. Бұдан соң Донецк облысында жаппай наразылық шарасы басталып, ереуілшілер Донецк халықтық республикасын жария етті. 17 сәуірде Ресей, АҚШ, Еуропа одағы және Украина Женевада Украинадағы шиеленісті бәсеңдету жөнінде келісімге келді.

Дереккөз: tengrinews.kz

22 сәуір 2014, 09:25

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.