Мас күйінде көлігімен 3 адамды қаққан аудан әкімінің орынбасары ұсталды

1 899 просмотра

Батыс Қазақстан облысының полицейлері мас күйінде көлігімен 3 адамды қаққан Теректі ауданы әкімінің орынбасары Абзал Бірәлиевті ұстады, деп хабарлайды BNews.kz тілшісі БҚО ІІД баспасөз қызметіне сілтеме жасап.

6 сәуір күні кешке Оралдағы «Медведь» саунасының қарсы бетінде Toyota Camry автокөлігін мінген белгісіз жүргізуші үш жаяу жүргіншіні қағып, оқиға орнынан ізін суытқан.

«15 минут өткеннен кейін Орал ІІБ жол-патрулдік полициясы батальонының қызметкерлері Молдағұлова көшесінде 39 жастағы Абзал Бірәлиевтің басқаруындағы аталған көлікті ұстады. Медициналық сараптаманың қорытындысы бойынша ол автокөлікті орта дәрежелі мас күйінде жүргізген. Шенеунік адамдарды қаққанын мойындаған жоқ», - деп хабарлады баспасөз қызметіндегілер.

Полицейлер тергеу барысында ұсталған азаматтың кінәсі дәлелденіп, әкімшілік хаттама толтырылғанын атап өтті.
Дереккөз: bnews.kz

8 сәуір 2014, 15:21

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.