Павлодар маңындағы қаза болған отбасының үйінен өлім алдындағы хат табылды

2 050 просмотра

Павлодар қаласының маңындағы қаза болған отбасының үйінде өлім алдындағы хат табылды деп хабарлайды Tengrinews.kz тілшісі Павлодар облыстық ІІД баспасөз қызметіне сілтеме жасап.

"Қаза болған отбасының үйіннен өлім алдындағы хат табылды. Мәтінде туған-туыстарының аты-жөндері аталған. Одан әрі отбасының дүкендегі қарызын өтеуді өтінген", - дейді Павлодар облыстық ІІД баспасөз қызметі.

Өлім алдындағы хатты кім жазған, ол жағын полиция анықтау үстінде.

"Табылған хат сараптамаға жіберілді", - деді ІІД баспасөз қызметі.

Отбасының кімге, қанша ақша және не үшін қарыз болғаны әзірше белгісіз.

Еске сала кетейік, Павлодар ауылындағы жеке үйлердің бірінде ер адам мен әйелдің, сондай-ақ екі баланың денесі табылған болатын. Қаза болғандарды 6 сәуір күні отбасы жалға алған үйдің иесі тапқан.

Полицияның мәліметінше, бес жасар ұл мен алты жасар қыздың денесі пышақ жарақатымен кереуеттің үстінде табылған. Сонымен бірге балалардың 35 жастағы анасы да пышақ жарақатынан қайтыс болған.

Дереккөз: NUR.KZ

8 сәуір 2014, 09:25

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.