Алматыда граната жарылып, бірінші топтағы мүгедек көз жұмды

19 наурыз күні кешке Алматы қаласы «Орбита» шағын ауданында орналасқан тұрғын үй пәтерінің бірінде жарылыс болды. Полиция мәліметтері бойынша, «РГД-5» қол гранатасы жарылды, деп хабарлайды BNews.kz қалалық ІІД баспасөз қызметіне сілтеме жасай отырып.

Полиция қызметкерлері кеше «Орбита» шағын ауданындағы үй пәтерелерінің бірінде кешкі сағат 8-де «РГД-5» жүйелі гранатасының жарылғанын анықтады.

Жарылыс кезінде бөлмеде 1986 жылы туған пәтер тұрғыны болған. Ол алған жарақаттарынан оқиға орнында көз жұмды.

«Ер адам тірек-қозғалыс аппараты бұзылған 1 топтағы мүгедек болған. Ол 2002 жылы алған пышақ жарақаттарынан мүгедек болып қалған. Оқиға кезінде пәтерде оның анасы мен туысы болған. Олар зардап шеккен жоқ. Жарылыс салдарынан үй бұзылып, өртенген жоқ», - деп хабарлады Алматы қалалық ІІД.

Қазіргі таңда тергеу амалдары жүргізілуде.

Дереккөз: bnews.kz