В Атырау
+20 
АСТАНА, 10 ақп –Қазақстан жаңалықтары АА. Әйгілі қазақстандық гимнасшы Әлия Юсупованың күйеуі Нұржан Әлтаев ҚР Ұлттық кәсіпкерлер палатасының Басқарма Төрағасының орынбасары қызметіне тағайындалды деп хабарлайды бейсенбіде Оңтүстік Қазақстан облысы кәсіпкерлер палатасы.
«Нұржан Әлтаев жаңа қызметінде әлеуметтік саланы, атап айтқанда техникалық және кәсіптік білім беру, әлеуметтік әріптестік және еңбек қатынастарын дамыту мәселелеріне қатысты жұмысқа басшылық жасайтын болады»,-делінген хабарламада.
Еңбек қызметін 2003 жылы М.Әуезов атындағы ОҚМУ студенттер мәселелері жөніндегі проректоры қызметінен бастаған.
2004 жылдан 2007 жыл аралығында Қазақстан Республикасы Әділет министрлігінің халықаралық құқық департаментінің жетекші маманы қызметін атқарған. 2007 2010 жылдары «Оңтүстік» ӘКК» ҰК» АҚ менеджері, бас менеджері, Басқарма мүшесі - Құқықтық қамтамасыз ету департаментінің директоры, директорлар кеңесінің мүшесі қызметтерін атқарған.
2010 -2011 жылдары Оңтүстік Қазақстан облысы кәсіпкерлік және өнеркәсіп басқармасының бастығы қызметінде болған.
2011-2012 жылдары «Максимум» өңірлік инвестициялық орталығының бас директоры қызметін атқарып, 2012 жылдан бастап қазіргі уақытқа дейін «ОҚО кәсіпкерлерге қызмет көрсету орталығы» ЖШС директоры қызметінде.
2013 жылдан 2014 жылғы наурызға дейін Оңтүстік Қазақстан облысының Кәсіпкерлер палатасы директорының қызметін атқарған.
Дереккөз: newskaz.kz