Атырау облысында лаңкестік шабуылдың алдын алу бойынша оқу-жаттығулар өтті​

Ағымдағы жылдың 20 наурызында ҚР ҰҚК Атырау облысы бойынша департаментінің ұйымдастыруымен командалық-штабтық оқу-жаттығулар өткізілді.

Іс-шараның негізгі мақсаты ведомствоаралық өзара іс-қимылды жетілдіру және Атырау облыстық жедел штабының терроризм актілерін жолын кесуге, олардың салдарын барынша азайтуға және жоюға жедел дайындығын арттыру болды.

Атырау облысында өткен командалық-штабтық оқу-жаттығуларға жедел штаб құрамына кіретін барлық мемлекеттік органдар қатысты. Олар:

• Ұлттық қауіпсіздік комитетінің департаменті (ҰҚКД),
• Полиция департаменті (ПД),
• ҚР Ұлттық ұланының 5546 әскери бөлімі,
• ҚР Қорғаныс министрлігінің "Батыс" өңірлік қолбасшылығы (ҚР ҚМ «Батыс» ӨҚ),
• Төтенше жағдайлар департаменті (ТЖД),
• Әкімдік өкілдері.

Оқу-жаттығу барысында шынайы қауіптерді модельдейтін сценарийлер егжей-тегжейлі әзірленіп, оған қатысушылардың барлығы жылдам әрекет етуді және үйлестірілген жұмысты қажет етеді.

Іс-шара террористік акт жасалу кезде немесе жасалу қаупі бар жағдайларда міндеттерді орындауға дайындығын көрсетті.