Таубаевтың апелляциясы бойынша сот отырысы тағы кейінге қалды

Облыстық сот 10 жылға сотталған Атырау облысы әкімінің бұрынғы бірінші орынбасары Нұрлан ТАУБАЕВТЫҢ апелляциялық шағымын қарауды тағы кейінге қалдырды. Оған Таубаевтың үш бірдей адвокаты – Нұрлан ЖОЛБОЛОВ, Игорь ВРАНЧЕВ және Нұртас АМАНБАЕВТЫҢ келмеуі себеп.

Еске салайық, өткен жолы дәл осындай себеппен кездесу бүгін, 27 тамызға белгіленген болатын. Судья хатшысы Вранчевтің ұялы телефон нөмірі желінің қамту аймағынан тыс екенін, Жолболовтың телефон тұтқасын көтермегенін, Аманбаевтың желі нашар жерде екенін хабарлады. Адвокаттардың қатыспауына байланысты сот алқасы отырысты жабық деп жариялап, келесі отырысын 31 тамызға белгіледі.

Айнұр САПАРОВА