Міндетті вакциналау мерзімі бекітілді

ҚР Бас мемлекеттік санитариялық дәрігері Ержан Қиясовтың жаңа қаулысы шықты, деп жазады Egemen.kz Санитариялық-эпидемиологиялық бақылау комитетінің баспасөз қызметіне сілтеме жасап.

Қаулыда халыққа қызмет көрсетумен айналысатын ұйымда жұмыс істейтін қызметкерлердің вакцина алмаса кеңседегі жұмысқа жіберілмейтіні жазылған. Атап айтқанда:

- ХҚКО, «Қазпочта» қызметкерлері, екінші деңгейлі банк, қаржы ұйымдары, сақтандыру компаниясы, жылжымайтын мүлік агенттіктері, жарнама агенттігі, ақша алмастыру пункті, ломбард, сұлулық салоны, шаштараздар, химиялық тазарту орталықтары, кір жуатын орындар, фитнес, спорт кешендері, фитнес орталықтар, СПА және массаж салоны / орталықтары / бөлмелері, моншалар, сауналар, бассейндер, жағажайлар, полиграфиялық қызметтер, тігін ательелері, фотосалондар, аяқ киім шеберханалары, гүл дүкендері, аяқ киім/киім жөндеу орталығы, кеңсе техникасын жөндеу қызметі, нотариус, бухгалтер және консультациялық қызметтер, маникюр және педикюр, косметикалық қызметтер және т.б. ұйымдардың қызметкерлері;

- Көтерме және бөлшек сауда (сақтау) объектілері, тұтыну тауарлары, оның ішінде базарлар, сауда үйлері, сауда желілері, сауда және ойын-сауық орталықтары, дүкендер, минимаркеттер, супермаркеттер, гипермаркеттер;

- Мәдениет және демалыс объектілері (мұражайлар, мұражай-қорықтар, кітапханалар, концерттік ұйымдар, филармониялар, театрлар, кинотеатрлар, концерт залдары, клубтар, галереялар, көрмелер, цирктер және басқа да мәдени-тынығу ұйымдары);

- Халыққа қызмет көрсету саласындағы нысандар (қонақ үйлер, жатақханалар, мотельдер,  кемпингтер және басқалар)

Жолаушылар тасымалымен айналысатын ұйымдар, әуежайлар, теміржол, автомобиль және су станциялары, өзен және теңіз порттары, автовокзалдар / өткелдер, жолаушыларға қызмет көрсету пункттері;

Білім беру және оқыту ұйымдары, даму және түзету орталықтары (ересектер мен балаларға арналған), оқу-өндірістік орталықтар және басқа мектептен тыс ұйымдар; 

Санаторий-курорттық мекемелер (санаторийлер, үйлер / базалар / демалыс аймақтары, диспансерлер, балалардың денсаулығы лагерлері (мектеп, қаладан тыс), туристік лагерлер және басқалар);

Қоғамдық тамақтандыру объектілері, оның ішінде ұйымдасқан топтар, сондай-ақ тамақ, көше тағамдарын жеткізушілер;

Барлық типтегі медициналық-әлеуметтік мекемелер (қарттар үйі, мүгедектер, балалар үйлері және басқалары);
денсаулық сақтау ұйымдары, оның ішінде зертханалар, дәріхана ұйымдары;

Коммуналдық қызметтер (ұйымдар), сумен жабдықтау, жылумен жабдықтау, электрмен жабдықтау, аумақтарды тазарту және қалдықтарды шығару, үй-жайларды және аумақтарды дезинфекциялау, авариялық-құтқару қызметтері, және т.б.

Экскурсиялық қызмет көрсететін ұйымдар;

Демалыс орындары, ойын-сауық нысандары (компьютер), клубтар, бильярд бөлмелері, боулинг, ойын-сауық орталықтары / саябақтар,аттракциондар, аквапарктер, караоке, лотерея клубтары, лотерея билеттерін сату және басқалары);

Байланыс және телекоммуникация нысандарының қызметкерлері. 

Қаулыда міндетті вакцинаның бірінші компоненті 2021 жылдың 10 тамызына дейін, екінші компоненті 1 қыркүйекке дейін егіліп бітуі керек екені айтылған.