Жол-көлік апатында театр әртісі қаза болды

19 наурызда кешкі сағат 9-да «Атырау-Доссор» жолында  «ГАЗель» мен «ВАЗ-2114» автокөліктері соқтығысып, салдарынан «Лада» көлігіндегі 23 жастағы жолаушы қаза болды. Ол М.Өтемісов атындағы академиялық драма театрының жанынан құрылған жастар театрының әртісі.

Облыстық денсаулық сақтау басқармасында «АЖ»-ға хабарлағандай, түнгі сағат екіде жеңіл көліктің 22 жастағы жүргізушісі облыстық ауруханаға жеткізілген. Ол қазір орташа ауыр халде жатыр (қабырғалары бірнеше жерден сынған). Ол да жастар театрының актеры.

Атырау облысы полиция департаментінің хабарлауынша, жол-көлік оқиғасы бойынша сараптама тағайындалып, тергеу амалдары жүргізілуде.

Фархат ӘБІЛОВ