Мұнай бағасы 66 доллардан асты

Лондонның ІСЕ биржасында Brent маркалы мұнай фьючерстерінің бағасы 1,20 пайызға өсіп, баррелі үшін 66,02 долларды құраған, - деп хабарлайды ҚазАқпарат Reuters ақпараттық агенттігіне сілтеме жасап.

Brent маркалы мұнай бағасының баррелі үшін 66 доллардан асқан соңғы дата – 2020 жылдың қаңтары еді.

Жергілікті уақыт бойынша сағат 04:40-те Brent мркалы мұнайы баррелі үшін 66 долларға (+1,16%) саудаланған. 

Сонымен бірге, WTI маркалы мұнайдың сәуірдегі фьючерстерінің бағасы бір баррель үшін 62,43 долларға (+1,18%) сатылды.