Атырау қаласының санитариялық-эпидемиологиялық бақылау басқармасы сотқа карантин режимін бұзғаны үшін, атап айтқанда, сағат 22.00-ден кейін жұмыс істегені үшін бірнеше рет айыппұл салынған «Рыба моей мечты» караоке-бары мен "Endnesteimz" лаундж-барының қызметін тоқтату туралы талап арыз жолдады. Естеріңізге салсақ, өткен аптада полиция мониторинг тобының мүшелерімен бірге осы екі ойын-сауық мекемесіне рейд жүргізген еді.
Айта кету керек, Атырауда карантин шектеулерін бірнеше рет елемеген мейрамханалар әлі де анықталуда. Мысалы, 26 желтоқсанда, сағат 22.00-ден кейін карантин режимін екі рет бұзған Tofu мейрамханасы ашық болды; дәл сол кеште полиция бұрын да ереже бұзған Ak'sReserve мейрамханасын анықтады. Жиналған құжаттар әрі қарай әкімшілік сотқа беру үшін санитар дәрігерлерге жолданды.
Фархат ӘБІЛОВ