Ұлыбритания мен Нидерландта жұмбақ монолиттер табылды

Ұлыбритания мен Нидерландта тағы бір жұмбақ монолит пайда болды, - деп хабарлайды Tengrinews Daily Mail сайтына сілтеме жасап.

Жұмбақ металл құрылым Ұлыбританияның оңтүстік жағалайындағы Уайт аралында табылды. 29 жастағы Том Данфорд таңертең итін серуенлеуге шығарған кезде үш метрлік нысанды көрген. 

"Соңғы жаңалықтар және жұмбақ монолиттер туралы хабардармын, сондықтан мен оны бірден таныдым. Мұны осы жерге қалдырып кеткен адам не істеп жүргенін біледі. Себебі жағалауға дейін тек жаяу жету керек, көлікпен баруға болмайды", - дейді ол. 

Ook mysterieuze metalen monoliet opgedoken bij het Friese dorpje Oudehorne: https://t.co/DCiYj7BO4e

— NU.nl (@NUnl) December 6, 2020

Нидерландтың солтүстігіндегі провинцияда бір топ адам биік металл құрылымды тауып алған.

Екі нысан да қызу талқыға түскен, алайда олардың қайдан және қалай пайда болғанын ешкім білмейді.  

Еске салайық, бұған дейін АҚШ-тың Юта штатында, артынша Румыния мен Калифорния штатында жұмбақ монолиттер табылған болатын.