COVID-19: 776 медицина қызметкеріне 2 миллион теңгеден берілді

Коронавирус инфекциясына байланысты 776 дәрігер 2 миллион теңгеден алды, - деп хабарлайды Tengrinews.kz тілшісі.

"Коронавируспен күресуге жұмылған 776 медицина қызметкері Мемлекеттік әлеуметтік сақтандыру қорынан біржолғы әлеуметтік төлемдер алды. Сондай - ақ, Мемлекеттік әлеуметтік сақтандыру қоры ауру салдарынан қайтыс болған 3 медициналық қызметкердің туыстарына төлемдер аударды", - деп хабарлады Еңбек және халықты әлеуметтік қорғау министрлігінің баспасөз қызметіндегілер.

Айта кетейік, бүгінде елімізде коронавирус жұқтырғандар саны 104 718-ге жетті.