Пневмония жұқтырған 45 мың қазақстандық ауруханада жатыр

Пневмония жұқтырған 45 мың қазақстандық ауруханада жатыр. Бұл туралы Қазақстанның бас мемлекеттік санитар дәрігері Айжан Есмағамбетова айтты, - деп хабарлайды Tengrinews.kz тілшісі.

"Соңғы 20 күнде 63 491 адам ауруханаға жатқызылды. Оның ішінде, 45 мың адам стационарда ем қабылдап жатыр", - деді Есмағамбетова ОКҚ брифингінде. 

Оның айтуынша, елімізде жыл басынан бері 234 187 адам пневмонияның әртүрлі түрімен ауырған. 

Есмағамбетова 23 шілдедегі жағдай бойынша, 76 794 адамнан коронавирус инфекциясы анықталғанын айтты. Оның ішінде, 48 202 адам, яғни, науқастардың 53 пайызы аурудан айыққан.