Атыраудағы ұшақтан шыққан қара түтінге қатысты түсінік берді

Авиация мамандары осыған қатысты түсінік берді деп хабарлады Атырау облыстық коммуникациялар қызметі. 

Әлеуметтік желіде Атырау әуежайынан ұшқан әуе кемесінің видеосы пайда болды. Видеода ұшақтан қара түтін шыққаны байқалады. Әуежайдың инженерлік-авиациялық қызметінің бастығы Андрей Кимнің сөзінше, кеше, 21 шілдеде түстен кейін АН-12 жүк ұшағы ұшып кеткен.  

- Ұшу режимі кезінде қоспалар араласып, бөлінген, басқаша айтқанда қоспалар шығады. Бұл қалыпты жағдай. Кеңес кезіндегі барлық ұшақтан осындай қоспа бөлінеді. Ұшақ биік ұша бастаған сайын номинал режим, қара түтін азаяды. Сондықтан алаңдауға еш негіз жоқ, - дейді Андрей Ким.