Атырау облысында COVID-19​ жұқтыру белгілері бар 24 адам тіркелді

Атырау облысында коронавирус инфекциясын жұқтырудың белгілері бар  24 адам тіркелді.

COVID-19 жұқтырған 15 жағдай  Атырау қаласынан және 9 жағдай Жылыой ауданынан тіркелді.Олардың бірқатары ЖРВИ белгілерінің болуына байланысты  медициналық көмекке жүгінген, сондай-ақ  скринингтен өту барысында анықталды.

Қазіргі таңда науқастар жұқпалы аурулар ауруханасына оқшауландырылып, хаттамаға сәйкес ем қабылдап жатыр.
                                                  
Ауру ошақтарында эпидзерттеу жұмыстары, дезинфекциялық жұмыстар жүргізіліп, қарым-қатынаста болғандар анықталуда.

25.06.2020 жағдай бойынша аймақта COVID-19 жұқтырған 1584 адам анықталды. Жазылып шыққандар саны - 1237.