Бас дәрігер қағаз жүзінде жасалса жарайды деп шешкен

Сыбайлас жемқорлыққа қарсы іс-қимыл жөніндегі департамент Исатай орталық аудандық ауруханасының бұрынғы директорына қатысты ҚР ҚК-нің 189-бабы 3-тармағының 2-тармақшасы («Адам өзінің қызмет бабын пайдалана отырып, сенiп тапсырылған бөтен мүлiктi иемденiп алу») бойынша сотқа дейінгі тергеу жүргізуде.

Ол 720 мың теңге көлемінде бюджет қаржысын жымқырды деген күдікке ілінді. Тергеудің болжамы бойынша, 2019 жылы директор бұл ақшаны аурухана қызметкерлерін өрт қауіпсіздігі ережелеріне оқыту үшін жеке кәсіпкердің есеп-шотына аударған. Бірақ іс жүзінде бұл қызмет жүзеге асырылмаған.

Айнұр САПАРОВА