Жасөспірімдер қырға шығып, адасып кетті

2 маусымда Махамбет ауданының Қаңбақты қыстағында 17 және 18 жастағы екі бозбала жоғалып кетті. Олар ұялы байланыс үшін сигнал іздеп, қырға шығып, сол күні оралмаған.

- Қыстақ Махамбет ауылынан 65 шақырым қашықтықта орналасқан. Алдымен туыстары оларды өздері іздеген, содан соң 3 маусымда ТЖД-ға жүгінген. Шақыртуға 4 қызметкер аттанды, - деп хабарлады Атырау облыстық ТЖД.

Бағына қарай, құтқарушылар жеткенше туыстары балаларды тауып алыпты. Сөйте, олар айдалада қалған көлік қаңқасына паналап, сол жерде ұйықтап қалыпты.

Фархат ӘБІЛОВ