Атырауда масканың бағасы әзірге реттелген жоқ ​

Атырау облысының Тауарлар мен көрсетілетін қызметтердің сапасы мен қауіпсіздігін бақылау департаменті баспасөз қызметінің хабарлауынша, осы жұмада 50 мың медициналық маска жеткізіледі деп күтілуде.

Естеріңізге салсақ, бұдан бұрын 15 наурызға дейін 100 мың маска жеткізілетіндігі хабарланған болатын.

Бағаларға келер болсақ, мәселен, қазіргі уақытта Алматыда шектеулі баға белгіленген - бір рет пайдаланылатын маска 87 теңге және көмір фильтрі бар маскалар 111 теңге. Атырауда олардың бағасы әр түрлі, кем дегенде 150 теңге болады. Департаменттің хабарлауынша, бізде әзірге бұл мәселе реттелмейді, «бұйрық түскеннен кейін «тиісті жұмыстар жүргізіледі».

Нұргүл ХАЙРУЛЛИНА