Атырау, 5 мамыр 12:06
 бұлыңғыр боладыВ Атырау +15
$ 441.66
€ 475.14
₽ 4.86

ЛХР басшысы Зеленскийдің уәдесіне қатысты пікір білдірді

1 948 просмотра


Ресми Киев Донбасста бейбітшілік орнатуға қатысты бірнеше мәлімдеме жасады. Бұған қоса Украина президенті Владимир Зеленский бір жылда сол жердегі шиеленісті шешуге уәде берді. Өз егемендігін жариялаған Луганск халық республикасының басшысы Леонид Пасечник ел бұл уәделерді қалай қабылдағанын айтып берді.

"Біз Донбасста бейбітшілік орнатуға қатысты қандай да бір жаңа жоспарлар жайлы естіп жатамыз. Бұл жаңа саяси сәннің бір бөлігі іспетті. Бұрын Украина саясаткерлері Донбасс халқын жою әдістерін суреттегенде алдына жан салмайтын. Одан кейін Украина болашағына қатысты өз ойларын айтты. Ал енді күзде шиеленісті реттеу жоспарын ұсыну уақыты келді", - деді Леонид Пасечник РИА Новости агенттігіне берген сұхбатында.

Луганск халық республикасы басшысының айтуынша, әр саналы адам Украина "Минск форматынан" аттап өте алмайтынын түсінеді.

"Басқа амал мен жол іздеп, түрлі сылтау ойлап тауып, "норманд форматы" тақырыбында қалжыңдай салу енді қолдан келмейді. Шаралар кешені – бұл оқу мен есте сақтауға болатын аксиома. Онда барлығы түсінікті етіп, ретімен жазылған. Сондықтан Зеленскийге өзі үшін басқалар ойлап, жазып берген нұсқауды рет-ретімен орындау жеткілікті болып тұр. Егер істей алса – бейбітшілік орнайды, істей алмаса – үміт сыйлаған президент боп қала береді", - деп сеніммен айтты Пасечник.

Минск келісімдерін орындау бойынша кешенді шара 2015 жылғы 11-12 ақпанда Минскте өткен саммитте келісілген. Ол бойынша Германия, Франция, Украина мен Ресей басшылары "норманд төрттігі" форматында келісімге келген болатын. Құжат мақсаты – Украина шығысындағы қарулы қақтығысты реттеу.

Дереккөз: Sputniknews.kz

28 қазан 2019, 14:59

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.