В Атырау 0 
Сәуірдің 1-не қараған түні Атыраудағы бірнеше ауданда, соның ішінде, Нұрсая мен Балауса ықшам аудандарында ауадан шірік жұмыртқаның иісі қатты шығып тұрды. Сәл кейінірек «Қазгидромет» 1-2 сәуірде №6 автоматтандырылған мониторинг станциясында ауаның 9 жоғары және 2 төтенше жоғары күкіртсутегімен ластану жағдайлары тіркелгені туралы мәліметті жариялады.
- Облыстық әкімдік бізге ластану себебін қысқа мерзімде анықтауды тапсырды. Ол үшін қоғамдық денсаулық сақтау департаментінің, біздің департаменттің, сондай-ақ, Ұлттық сараптама орталығы филиалының қызметкерлерінен топ құрылды, - дейді Атырау облыстық экология департаменті басшысының орынбасары Қайратқали ҚАЙРОЛЛА. – Бұдан басқа, 2 сәуірде сағат 12-де өткен жылдың аяғында Сасықсайдан «Атырау су арнасы» балансына алынған №14 кәріз желісі бойынан біздің аспаптарымыз күкіртсутек бойынша 21 есе ШРК асқандығын анықтады.
- Менің білуімше, сіздер сатып алған аспаптар әзірге аттестаттаудан өтіп жатыр ғой.
- Аттестациядан өткен аспаптар сотта дәлел ретінде ұсыну үшін қажет. Біз әзірге соттасып жатқан жоқпыз, тек ауаның ластануын анықтаймыз.
Мұрат СҰЛТАНҒАЛИЕВ