Өте жылдам ақша

7 қыркүйек күні түстен кейін Драма театр маңындағы «Ломбард- жедел ақша» мекемесінің қызметкері қарулы тонау жөнінде Атырау полициясына хабарласқан. 

Мекеме офисіне ер адам кіріп, тапаншаға ұқсас нәрсемен қызметкерді қорқытып, кассадан 241 мың 741 теңгені алған. Қаржы мекемесін бетпердесіз тонауына қарағанда, қылмыскер бұл іске еш дайындықсыз кіріскен сияқты. Осының арқасында бейне камераға түсіп қалды.  

ІІД хабарлағандай, қылмыс жасаған адамның тұлғасы анықталған. Ол 1991 жылы туған Атырау қаласының тұрғыны.  Қылмыстық кодекстің 192-бабы («Қарақшылық») бойынша сотқа дейінгі тергеп- тексеру жұмыстары басталды. 

Бейресми дереккөздердің айтуынша, қарақшы - бұрынғы ІІД қызметкері. 

Публикация от АТЫРАУ АВТО СООБЩЕСТВО#️⃣1️⃣ (@zello_atyrau) Сен 7 2017 в 4:24 PDT

Фархат АБИЛОВ