Атырау, 25 мамыр 08:31
Күндіз ашық+32, кешке +22
ҚР Ұлттық банкінің валюта бағамы: $ 325.75  € 382.04  P 5.31

Саумал ішсең, сауығасың

26 тамыз 2017 00:00

Индер ауданы Елтай ауылынан 75 шақырым жерде «Қарсақбай» қыстағы жатыр. Онда «Алтын-Ана» шаруа қожалығын құрған ағайынды Жәлиевтер жұмыс істейді. Соңғы екі жыл қатарынан олар «Атырау-Орал» тас жолының (Индербор поселкесінің бұрылысында) бойында саумал сататын орын ашқан.   

- Біз 2012 жылдан бері жылқы өсіріп, бие сауып отырмыз. Алғаш рет өзіміз үшін деп сауа бастаған едік, кейін адам денсаулығына пайдалы сусын - саумал іздеп келушілер көбейе бастады. Сұраныс артқан соң біз саумал сатуға кірістік, - дейді «Алтын-Ана» ШҚ басшысы Айтқали ЖӘЛИЕВ. – Бүгінде біз күніне үш мезгіл он бие сауамыз. Соның өзінде ұсыныстан гөрі сұраныс басым.

- Саумалды сатып алуға денсаулығы сыр берген адамдар келіп жатыр, - дейді әңгімеге араласқан Айтқалидың жұбайы Роза ҚҰСАЙЫНОВА. – Саумалдың бір литрін 800 теңгеден сатудамыз. Қатерлі ісік ауруымен ауыратындарды кезексіз жіберуге тырысамыз. Көпшілігі саумалды ішкелі көңіл күйіміз көтеріліп, денсаулығымыз жақсарып қалды деп жатады. Өткен жылы саумалды 40 күн ішкен егде адам екінші рет химиотерапияға барғанда құлан таза айыққанын көріп, ақхалаттылардың өзі таң қалысқан! Созылмалы зоб ауруына ұшыраған әйел де денсаулығының көтеріліп қалғанына шүкіршілік етуде.

Айтқали атақты малбегі, егде жасына дейін аттан түспеген Қарақойшы Жәлиевтің үлкен ұлы. Оған шаруашылығын жүргізуге бауырлары, балалары Нұрлан, Нұрсұлтан, абысынды келіндер Розадан кейінгі Дина, Бибігүл, Анар және басқа да туыстары көмектесуде. Тату-тәтті бірлесе еңбек еткен Жәлиевтерге қарап көңілің жадырайды.

- Жылқы малы кінәмшіл, тазалықты сүйетін киелі мал. Осы кезге дейін қыстақтағы жерасты құдығының таза суын ішетін, енді Бағырлай каналының суын татпағандықтан амалсыз үйден тасимыз, - дейді Айтқали Жәлиев. - Кешке жылқылар құлындарымен бірге түнгі жайылысқа кетеді. Таңертең оларды аулаға жинай бастаймыз. Жалпы жұмыс көп, бірақ біз оған үйренгенбіз.

Ләззат ҚАРАЖАНОВА

Суретті түсірген автор

Нашли ошибку? Выделите её мышью и нажмите Ctrl + Enter.
 

3049 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

Малшының таяғынан...  1174 рет қаралды

Жылу қазандықтары маусымға дайын ба?  836 рет қаралды

​Сарайшықты сақтап қалу жұмыстары жүріп жатыр  1743 рет қаралды

Қақаған қыстағы қауырт құрылыс  1327 рет қаралды

Басты бет

1 2 3 4 5 6 7 8