Билік Жанбайдағы дүрбелеңнен соң 37 исатайлық балықшыны жұмысқа орналастырды

Облыс әкімдігі Исатай ауданының 37 тұрғынын жұмысқа орналастырғандығы туралы хабарлады.

Браконьерлікпен күрес науқаны аясында Исатайда Жанбай мен Зинеден балықшыларын Теңізшевройлдың мердігерлік тапсырыстарымен айналысатын компанияға тұрақты жұмысқа орналастырмақ. «Жанбайлық тапсырысқа» Іскер, «Сичим С.п.Казахстан», «Денхолм-Жолдас», «Фиркрофт инжиниринг сервисиз» және «Болашақ Атырау» және «Орион групп» рекрутингтік компаниялары қол қойған. Ұсынылған мәліметтер бойынша, бұл жалға алушыларда 935 бос орын бар. Исатай ауданы тұрғындарынан жұмыс орындарына 117 сұраным түскен. Ресми мәліметтер бойынша, Жанбай мен Зинеден ауылдарында 118 жұмыссыз бар (ал біздің газетімізге сәуірде аудандық билік 188 жұмыссыз бар деп басқа мәлімет берген еді).

Олардың үштен бірі жақын арада жұмысқа алынатын болады. Қазір олар қауіпсіздік техникасы бойынша оқытылуда. Әкімдікте хабарлағандай, 16 үміткермен «жұмыс жүргізілуде». 26 ізденуші тестілеуге келмеген, 29-ы тестілеуден өтпеген, тоғыз адам ұсыныстан бас тартқан.

Балықшыларды жүргізушіге, құрылысшыға және тағы да басқа мамандықтарға қайта оқытады, жалақылары 100-120 мың теңге шамасында болады. Егер бұл вахталық әдіспен жұмыс жасау болса, табыс айына 50-60 мың теңгені құрайды. Бұл осыдан бір ай бұрын Жанбайдағы кезекті дүрбелеңнен кейін жергілікті тұрғындардың үзілді-кесілді бас тартқан дәл сол сценарий. Олардың көзқарасы өзгерді ме, әлде жағдай өзгерді ме, оны уақыт көрсетеді. 

Зульфия БАЙНЕКЕЕВА