Жылыой аудандық соты ұсақ телефон бұзақылығы фактісі бойынша азаматша К.-ге қатысты әкімшілік істі қарады. Бұл туралы облыстық соттың баспасөз қызметі хабарлады.
Құлсары қаласының тұрғыны К. ұялы телефон арқылы күйеуінің бұрынғы әйеліне балағат сөздермен СМС-хабарлама жіберген.
Сот қаулысымен К. ҚР Әкімшілік құқықбұзушылық туралы кодекстің 434-бабының 1-тармағында қарастырылған құқықбұзушылықты («Ұсақ бұзақылық») жасауда кінәлі деп танылып, 10 АЕК – 21 210 теңге көлемінде әкімшілік жаза алды.
Мұрат СҰЛТАНҒАЛИЕВ