Мас күйде оқ атқан

Атырау қаласының мамандандырылған әкімшілік соты мас күйде оқ атушыға қарсы әкімшілік істі қарады.

Іс материалдарына сүйенсек, құқық бұзушы Щ. шілденің кешкі күндерінің бірінде өз ағасының үйінің ауласында мас күйде пневматикалық винтовкадан RedBull банкаларын атып, жаттыққан.

Щ. әрекеті ҚР ӘҚБтК-тің 436-бабының 1-тармағына («Елдi мекендерде және бұл үшiн бөлiнбеген орындарда атыс қаруынан, газды (өзін-өзі қорғау жағдайларын қоспағанда), пневматикалық қарудан оқ ату») ілінді. Сот оны кінәлі деп тауып, пневматикалық винтовкасын тәркілеумен қатар, 21 210 теңге мөлшерінде әкімшілік айыппұл салды.

Зульфия БАЙНЕКЕЕВА