​Бекеттегі кездесу кезінде ұсталды-2

Атырауда ҚР ҚК-нің 367-бабының 2-тармағы («Айтарлықтай мөлшерде пара беру») бойынша үкім шығарылды.

Құлсары қаласындағы жылу жүйелерін жөндеу тендеріне қатысушы Жылыой аудандық ТКШ бөлімінің басшысы облыстық мемлекеттік сатып алулар басқармасы бөлімінің бас маманы К.Мұхтаровқа туысы жұмыс жасайтын «Теплотехника» ЖШС-нің осы тендерде жеңіске жетуіне «қолдау көрсету» өтінішімен жүгінеді. Маман 1,6 млн теңгеге «көмектесуге» уәде береді. Екеуі қаладағы жанар-жағармай бекеттерінің бірінде пара беру кезінде қылмыс үстінде ұсталады («Бекеттегі кездесу кезінде ұсталды»).

Биылғы жылдың наурызында К.Мұхтаровқа үкім шығарылған еді. Енді пара берушіге кезек келді.

«Атырау қалалық №2 соты сотталушыны ҚР ҚК-нің 367-бабының 2-бабы бойынша кінәлі деп танып, өмір бойы мемлекеттік қызмет лауазымында жұмыс істеу құқығынан айырып, 48 000 000 теңге (параның 30 есе көлемі) айыппұл жазасын тағайындады» - деп хабарлайды облыстық соттың баспасөз қызметі.

Зульфия ИСКАЛИЕВА