Мемлекеттік қызмет істері және сыбайлас жемқорлыққа қарсы іс-қимыл департаментінің қызметкерлері Атырау облыстық мемлекеттік кірістер департаментінің қызметкерін пара алды деген күдікпен ұстады.
Мемлекеттік қызмет істері департаменті басшысының міндетін атқарушы Нұрлан ҚАМБАТЫРОВ былай деп хабарлады: «Біздің жедел топ қызметкерлері мемлекеттік кірістер департаментінің экономикалық тергеу қызметінің қызметкері азамат Ж-ны азамат Х-дан 500 мың теңге мөлшерінде пара алу кезінде ұстады. Пара ҚР ҚК-нің 235-бабында («Ұлттық және шетел валютасындағы қаражатты шетелден қайтармау») қарастырылған қылмысқа айыпталған азамат Х-ның қылмыстық істегі кінәсін мойындау туралы мәміле түріндегі іс жүргізу келісімін жасауға арналған. Ж-ға қатысты кепіл түрінде бұлтартпау шарасы қолданылды. Қылмыстық іс №2 Атырау қалалық сотында қарастырылуда».
Мұрат СҰЛТАНҒАЛИЕВ