Жылыой ауданында орын алған ЖКО-да Өзбекстанның алты азаматы қаза тапты (+Фото)

6 383 рет қаралды

Бүгін, 19 мамырда сағат 10.30 шамасында Құлсарыдан 80 шақырым қашықтықтағы Атырау-Ақтау трассасында ЖКО орын алып, алты адам ажал құшты.

Салонында жеті адам болған (Лада-Ларгус» автокөлігі Бейнеуге кетіп бара жатқан КамАЗ автокөлігіне соқтығысқан.

Жылыой ауданы прокуроры Асыланбек ЖОЛАНОВТЫҢ айтуынша, «Ларгустың» бес жолаушысы мен жүргізушісі – 24 жастан 51 жасқа дейінгі аралықтағы Өзбекстаннан келген ер адамдар - оқиға орнында көз жұмды. Тағы бір жолаушы ауыр халде аудандық ауруханаға жеткізілді. КамАЗ автокөлігінің жүргізушісі - Маңғыстау облысы Бейнеу ауданының 36 жастағы тұрғыны аман қалған.

Оқиғаға қатысты ҚР ҚК-ның 345-бабының 4-тармағымен («Абайсызда екi немесе одан да көп адамның өлiмiне әкеп соқтыру») қылмыстық іс көтерілді.

Ләззат ҚАРАЖАНОВА

Суретті "АЖ" оқырманы жолдады

(Абай болыңыз! +18)

19 мамыр 2015, 16:31

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.