Бірқазандар неліктен қырылды?

Көрнекі сурет

Құрманғазы ауданындағы Қиғаш өзенінің сағасынан 70 өлі бұйра бірқазан табылды.

Орман шаруашылығы және жануарлар дүниесі аумақтық инспекциясында хабарлағандай, құстардың өлі денесін 11 сәуірде NCOC компаниясының мамандары теңіз айдынын тікұшақпен көктемгі аралап ұшу кезінде анықтаған.

Себебін тексеру үшін экологиялық және ветеринарлық қызмет мамандарынан құралған комиссия құрылған. Өлі құстардың ағзалары облыстық ветеринарлық зертханаға тексеруге жіберілмек. Бұйра бірқазан ҚР Қызыл кітабына енгзілген құс.

Мұрат СҰЛТАНҒАЛИЕВ