Қалалық сот төрағасы Мәлік Ғабдуллин қайтыс болды

Фото: atr.sud.kzАтырау облысының судьялар корпусы ауыр қазаға ұшырады – 5 қарашада ұзаққа созылмаған науқастан кейін 47 жастағы Атырау қалалық сотының төрағасы Мәлік ҒАБДУЛЛИН көз жұмды.

Махамбет селосының тумасы Мәлік Ғабдуллин Ауғанстанда әскери борышын өтеген. 1993 жылы Қазақ мемлекеттік университетін тәмамдаған. Еңбек жолын судьяның стажеры болып бастаған ол судья мансабының бүкіл баспалдағынан өтіп, 2010 жылдың ақпанында Атырау қалалық сотының төрағасы болып тағайындалды. 2005 жылы Атырау облысы бойынша үздік судья деп танылған еді.

Зульфия БАЙНЕКЕЕВА